ತಂಬಿಟ್ಟು

ಬೇಕಾಗುವ ಸಾಮಗ್ರಿ :
ಅಕ್ಕಿ - 1 ಕಪ್
ಶೇಂಗಾ - 1 ಕಪ್
ಹುರಿಗಡಲೆ - 1/2 ಕಪ್
ಕಾಯಿತುರಿ - 1/2 ಕಪ್
ಎಳ್ಳು - 1/4 ಕಪ್
ಗಸಗಸೆ - 4 ಚಮಚ
ಗೋಡಂಬಿ - 1/4 ಕಪ್
ಏಲಕ್ಕಿ ಪುಡಿ - 1/2 ಚಮಚ
ಬೆಲ್ಲ - 1 ಕಪ್
ನೀರು - 1 ಕಪ್

ಮಾಡುವ ವಿಧಾನ :
ಮೇಲೆ ಹೇಳಿದ ಎಲ್ಲಾ ವಸ್ತುಗಳನ್ನು ಬೇರೆ ಬೇರೆಯಾಗಿ ಘಮ್ಮನೇ ಪರಿಮಳ ಬರುವವರೆಗೆ ಹುರಿದು ತಣ್ಣಗಾಗಲು ಬಿಡಬೇಕು.
ಅಕ್ಕಿ ಮತ್ತು ಹುರಿಗಡಲೆಯನ್ನು ನುಣ್ಣಗೆ ಪುಡಿಮಾಡಿಕೊಳ್ಳಬೇಕು. ಶೇಂಗಾವನ್ನು ತರಿತರಿಯಾಗಿ ಮಿಕ್ಸಿಮಾಡಿಕೊಳ್ಳಬೇಕು.
ಒಂದು ಬಾಣಲೆಯಲ್ಲಿ ಬೆಲ್ಲ ಮತ್ತು ನೀರು ಹಾಕಿ ಸಣ್ಣ ಉರಿಯಲ್ಲಿ ಬೆಲ್ಲವನ್ನು ಕರಗಿಸಿ 5 ನಿಮಿಷ ಪಾಕಬರದಂತೆ ಕುದಿಸಿ ಅದಕ್ಕೆ ಹುರಿದು ಪುಡಿಮಾಡಿದ ಅಕ್ಕಿ ಮತ್ತು ಹುರಿಗಡಲೆ ಪುಡಿ, ಶೇಂಗಾ, ಹುರಿದ ಎಳ್ಳು ಮತ್ತು ಗಸಗಸೆ, ಏಲಕ್ಕಿ ಪುಡಿ ಸೇರಿಸಿ ಸ್ವಲ್ಪ ತಣ್ಣಗಾದ ಮೇಲೆ ಚೆನ್ನಾಗಿ ಕಲಸಿ ಉಂಡೆಕಟ್ಟಬೇಕು.