ಬೀಟ್ರೂಟ್ ಚಟ್ನಿ

 
ಬೇಕಾಗುವ ಸಾಮಗ್ರಿ :
ಬೀಟ್ರೂಟ್ - 1
ಕಾಯಿತುರಿ - 1/2 ಕಪ್
ಜೀರಿಗೆ - 1/2 ಚಮಚ
ಉದ್ದಿನಬೇಳೆ - 1 ಚಮಚ
ಒಣಮೆಣಸಿನಕಾಯಿ - 2 ರಿಂದ 3
ಹಸಿಮೆಣಸಿನಕಾಯಿ - 1 (ಬೇಕಾದರೆ)
ಬೆಳ್ಳುಳ್ಳಿ - 4 ಎಸಳು
ಸಾಸಿವೆ - 1 ಚಮಚ
ಎಣ್ಣೆ - 2 ಚಮಚ
ಹುಣಸೆ ಹಣ್ಣು - ಸ್ವಲ್ಪ
ಉಪ್ಪು - ರುಚಿಗೆ ತಕ್ಕಷ್ಟು
ಕರಿಬೇವಿನ ಎಲೆ - 4 ರಿಂದ 6

ಮಾಡುವ ವಿಧಾನ :
ಬೀಟ್ರೂಟ್ ಅನ್ನು ತುರಿದು ಬಾಣಲೆಯಲ್ಲಿ ಎಣ್ಣೆ ಹಾಕಿ ಸರಿಯಾಗಿ ಹುರಿದುಕೊಳ್ಳಬೇಕು.
ಒಣಮೆಣಸಿನಕಾಯಿ, ಉದ್ದಿನ ಬೇಳೆ ಮತ್ತು ಜೀರಿಗೆಯನ್ನು ಡ್ರೈ ರೋಸ್ಟ್ ಮಾಡಿಕೊಳ್ಳಬೇಕು. ಬೇಕಾದಲ್ಲಿ ಹಸಿಮೆಣಸಿನಕಾಯಿ ಸೇರಿಸಬಹುದು.
ಕಾಯಿತುರಿ, ಹುರಿದ ಬೀಟ್ರೂಟ್, ಬೆಳ್ಳುಳ್ಳಿ, ಹುಣಸೆ ಹಣ್ಣು ಮತ್ತು ಡ್ರೈ ರೋಸ್ಟ್ ಮಾಡಿದ ಎಲ್ಲವನ್ನು ಸೇರಿಸಿ ರುಬ್ಬಬೇಕು.
ಈ ಮಿಶ್ರಣಕ್ಕೆ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಬೇಕು.
ನಂತರ ಬಾಣಲೆಯಲ್ಲಿ ಎಣ್ಣೆ ಹಾಕಿ ಸಾಸಿವೆ ಮತ್ತು ಕರಿ ಬೇವಿನ ಎಲೆಯಿಂದ ಒಗ್ಗರಣೆ ಹಾಕಬೇಕು.