ದಿಢೀರ್ ಇಡ್ಲಿ

ಬೇಕಾಗುವ ಸಾಮಗ್ರಿ :
ದಪ್ಪ ಅವಲಕ್ಕಿ - 1 ಕಪ್
ರವಾ - 2 ಕಪ್
ಮೊಸರು - 1 ಕಪ್
ಇನೋ - 1 ಚಮಚ
ಉಪ್ಪು - ರುಚಿಗೆ ತಕ್ಕಷ್ಟು
ಎಣ್ಣೆ - 2 ಚಮಚ

ಮಾಡುವ ವಿಧಾನ :
ಅವಲಕ್ಕಿಯನ್ನು 20 ನಿಮಿಷ ನೀರಿನಲ್ಲಿ ನೆನೆಸಬೇಕು.
ರವೆಯನ್ನು ತೊಳೆದು ಮೊಸರು ಮತ್ತು ಉಪ್ಪು ಸೇರಿಸಿ ಇಡಬೇಕು.
20 ನಿಮಿಷದ ನಂತರ ಅವಲಕ್ಕಿಯನ್ನು ನೀರಿಲ್ಲದಂತೆ ಹಿಂಡಿ, ನೀರು ಸೇರಿಸದೇ ರುಬ್ಬಿ ರವೆಯ ಮಿಶ್ರಣಕ್ಕೆ ಸೇರಿಸಬೇಕು.
ಸರಿಯಾಗಿ ಈ ಮಿಶ್ರಣವನ್ನು ಕದಡಿಕೊಳ್ಳಬೇಕು. ಗಟ್ಟಿಯಾಗಿಯೇ ಇರಬೇಕು.
ಇನೋ ಮತ್ತು ಎಣ್ಣೆಯನ್ನು ಸೇರಿಸಿ ಕೈಯಾಡಿಸಿ ಎಣ್ಣೆ ಸವರಿದ ಇಡ್ಲಿ ಪ್ಲೇಟ್ ಹಾಕಿ 15 ನಿಮಿಷ ಬೇಯಿಸಿದರೆ ದಿಢೀರ್ ಇಡ್ಲಿ ರೆಡಿ.