ಮಸಾಲಾ ಬಾತ್

ಬೇಕಾಗುವ ಸಾಮಗ್ರಿ :
ಎಣ್ಣೆ - 2 ಚಮಚ
ತುಪ್ಪ -
ಬಾಸುಮತಿ ಅಕ್ಕಿ - 1 ಲೋಟ
ಚಕ್ಕೆ - 1 ಇಂಚು
ಲವಂಗ - 4
ಪಲಾವ್ ಎಲೆ - 1
ಏಲಕ್ಕಿ - 2
ಕಾಳು ಮೆಣಸು - 7/8
ಜೀರಿಗೆ - 1 ಚಮಚ
ಈರುಳ್ಳಿ - 1
ಬೆಳ್ಳುಳ್ಳಿ - 4/5
ಶುಂಠಿ - 1/4 ಇಂಚು
ಕೊತ್ತಂಬರಿ ಪುಡಿ - 1/2 ಚಮಚ
ಮೆಣಸಿನ ಪುಡಿ - 1/2 ಚಮಚ
ಪಾವ್ ಬಾಜಿ ಪುಡಿ - 1 ಚಮಚ
ಅರಿಶಿಣ - 1/4 ಚಮಚ
ಉಪ್ಪು - ರುಚಿಗೆ ತಕ್ಕಷ್ಟು
ನೀರು - 2 ಲೋಟ
ಕೊತ್ತಂಬರಿ ಸೊಪ್ಪು - ಸ್ವಲ್ಪ
ಟೊಮಾಟೋ - 1

ಮಾಡುವ ವಿಧಾನ :
ಕುಕ್ಕರಿಗೆ ತುಪ್ಪ ಮತ್ತು ಎಣ್ಣೆ ಹಾಕಿ ಬಿಸಿಯಾಗುವವರೆಗೆ ಬಿಡಬೇಕು.
ನಂತರ ಇದಕ್ಕೆ ಚಕ್ಕೆ, ಲವಂಗ, ಕಾಳು ಮೆಣಸು, ಏಲಕ್ಕಿ, ಪಲಾವ್ ಎಲೆ ಹಾಕಿ ಕೈಯಾಡಿಸಬೇಕು.
ನಂತರ ಸಣ್ಣಗೆ ಹೆಚ್ಚಿದ ಈರುಳ್ಳಿ, ಬೆಳ್ಳುಳ್ಳಿ, ಶುಂಠಿ ಹಾಕಿ ಕೈಯಾಡಿಸಬೇಕು.
ನಂತರ ಸಣ್ಣಗೆ ಹೆಚ್ಚಿದ ಟೊಮಾಟೋ ಸೇರಿಸಿ ಮೆತ್ತಗಾಗುವವರೆಗೆ ಹುರಿಯಬೇಕು.
ಅರಿಶಿಣ ಪುಡಿ, ಮೆಣಸಿನ ಪುಡಿ, ಕೊತ್ತಂಬರಿ ಪುಡಿ, ಪಾವ್ ಬಾಜಿ ಮಸಾಲಾ ಪುಡಿ ಸೇರಿಸಿ ಕೈಯಾಡಿಸಬೇಕು.
ನಂತರ ಅಕ್ಕಿ ಸೇರಿಸಿ ನೀರು, ಉಪ್ಪು, ಕೊತ್ತಂಬರಿ ಸೊಪ್ಪು ಸೇರಿಸಿ 2 / 3 ಸಿಟಿ ಹಾಕಿಸಬೇಕು.