ರಾಗಿ ಮಣ್ಣಿ

ಬೇಕಾಗುವ ಸಾಮಗ್ರಿ :
ರಾಗಿ - 1 ಕಪ್
ಬೆಲ್ಲ - 1 ಕಪ್
ಏಲಕ್ಕಿ ಪುಡಿ - 1 ಚಿಟಿಕೆ
ಉಪ್ಪು - 1/4 ಚಮಚ
ತುಪ್ಪ - 2 ಚಮಚ

ಮಾಡುವ ವಿಧಾನ :
ರಾಗಿಯನ್ನು ನೀರಿನಲ್ಲಿ ರಾತ್ರಿಯೇ ನೆನೆಸಿಡಬೇಕು.
ಮರುದಿನ ಚೆನ್ನಾಗಿ ತೊಳೆದು ರುಬ್ಬಿ ಸೋಸಿ ಹಾಲನ್ನು ತೆಗೆದುಕೊಳ್ಳಬೇಕು.
ಇದಕ್ಕೆ ಉಪ್ಪು, ಬೆಲ್ಲ, ಏಲಕ್ಕಿ ಪುಡಿ ಸೇರಿಸಿ ಸಣ್ಣ ಉರಿಯಲ್ಲಿ ಕೈಯಾಡಿಸಬೇಕು.
ಸುಮಾರು ಅರ್ಧಗಂಟೆಯ ನಂತರ ತಳಬಿಡಲು ಪ್ರಾರಂಭಿಸುತ್ತದೆ.
ಆಗ ತುಪ್ಪ ಸವರಿದ ಬಟ್ಟಲಿಗೆ ಹಾಕಿ ಬೇಕಾದ ಆಕಾರದಲ್ಲಿ ಕಯ್ತರಿಸಬೇಕು.

ತುಪ್ಪ, ಹಾಲು, ಮೊಸರು ಯಾವುದರ ಜೊತೆಗಾದರೂ ಸವಿಯಬಹುದು.