ಬೆಣ್ಣೆ ಬಿಸ್ಕತ್

ದಿಢೀರ್ ಅಂತ ಮಾಡಬಹುದಾದ ತಿಂಡಿ. ಚಹಾದ ಜೊತೆಗಂತೂ ಬಹಳ ಒಳ್ಳೆಯ ಕಾಂಬಿನೇಷನ್. ಬಹಳ ಕಡಿಮೆ ಸಾಮಗ್ರಿಗಳನ್ನು ಬಳಸಿ ಸ್ವಲ್ಪವೇ ಸಮಯದಲ್ಲಿ ಮಾಡಬಹುದು.

ಬೇಕಾಗುವ ಸಾಮಗ್ರಿ :
ಕಾಯಿತುರಿ - ಪೂರ್ತಿ ಒಂದು ಕಾಯಿಯದ್ದು
ಸಕ್ಕರೆ - 1 ಕಪ್ ( ಸ್ವಲ್ಪ ಜಾಸ್ತಿ ಬಳಸಬಹುದು)
ಉಪ್ಪು - 1/2 ಚಮಚ
ಗೋಧಿ ಹಿಟ್ಟು - ಕಾಯಿತುರಿ ಮಿಶ್ರಣಕ್ಕೆ ಅಗತ್ಯವಿದ್ದಷ್ಟು
ಎಣ್ಣೆ - ಕರಿಯಲು

ಮಾಡುವ ವಿಧಾನ :
ಕಾಯಿತುರಿಗೆ ಸಕ್ಕರೆ ಮತ್ತು ಉಪ್ಪು ಸೇರಿಸಿ ಚೆನ್ನಾಗಿ ಕಲಸಿ ಅರ್ಧ ಗಂಟೆಯ ಕಾಲ ಹಾಗೆಯೇ ಇಡಬೇಕು. ಸಕ್ಕರೆ ಪೂರ್ತಿಯಾಗಿ ಕರಗಿ ಇದು ನೀರೊಡೆಯುತ್ತದೆ.
ಇದಕ್ಕೆ ಅಗತ್ಯವಿದ್ದಷ್ಟು ಗೋಧಿ ಹಿಟ್ಟು ಸೇರಿಸಿ ಚಪಾತಿ ಹಿಟ್ಟಿನ ಹದಕ್ಕೆ ಚೆನ್ನಾಗಿ ನಾದಿಕೊಂಡು ಕಲಸಿಕೊಳ್ಳುಬೇಕು.
ಕಲಸಿದ ಹಿಟ್ಟನ್ನು ಅರ್ಧ ಗಂಟೆ ಹಾಗೆಯೇ ಬಿಡಬೇಕು.
ಚೆನ್ನಾಗಿ ನಾದಿ ಸಣ್ಣ ಉಂಡೆ ಮಾಡಿ ಬಾಳೆ ಇಲ್ಲವೇ ಪ್ಲಾಸ್ಟಿಕ್ ಹಾಳೆಯ ಮೇಲೆ ಅತ್ರಾಸದಂತೆ ತಟ್ಟಿ ಎಣ್ಣೆಯಲ್ಲಿ ಕಲಿಯಬೇಕು.