ಶಿರಾ

ಶಿರಸಿ, ಸಿದ್ದಾಪುರದ ಅತ್ಯಂತ ಜನಪ್ರಿಯವಾದ ತಿನಿಸು. ಮನೆಗೆ ಹೇಳದೇ ಯಾರಾದರೂ ಅತಿಥಿಗಳು ಬಂದಾಗ ದಿಢೀರ್ ಅಂತ ತಯಾರಿಸಬಹುದಾದ ತಿಂಡಿ ಶಿರಾ. ಕೇಸರಿಭಾತ್ ಎಂದೂ ಕೆಲವೆಡೆ ಹೇಳುತ್ತಾರೆ.

ಬೇಕಾಗುವ ಸಾಮಗ್ರಿ :
ರವಾ - 1 ಕಪ್
ಸಕ್ಕರೆ - 1 1/4 ಕಪ್
ಬಾಳೆಹಣ್ಣು - 2
ಏಲಕ್ಕಿ ಪುಡಿ - 1 ಚಿಟಿಕೆ
ನೀರು - 3 ರಿಂದ 4 ಕಪ್
ತುಪ್ಪ - 3/4 ಕಪ್
ಒಣದ್ರಾಕ್ಷಿ - ಸ್ವಲ್ಪ
ಉಪ್ಪು - ರುಚಿಗೆ

ಮಾಡುವ ವಿಧಾನ :
ನೀರನ್ನು ಕುದಿಯಲು ಇಡಬೇಕು.
ಬಾಳೆಹಣ್ಣನ್ನು ಸಣ್ಣಗೆ ಹೆಚ್ಚಿ ಇಟ್ಟುಕೊಳ್ಳಬೇಕು.
ರವಾಕ್ಕೆ ತುಪ್ಪವನ್ನು ಸೇರಿಸಿ ಚೆನ್ನಾಗಿ ಹುರಿಯಬೇಕು.
ನಂತರ ಬಿಸಿ ನೀರನ್ನು ಸೇರಿಸಿ ಕೈಯಾಡಿಸಬೇಕು.
ಹೆಚ್ಚದ ಬಾಳೆಹಣ್ಣು, ಒಣದ್ರಾಕ್ಷಿ, ಉಪ್ಪು,  ಸೇರಿಸಿ ಬೇಯಿಸಬೇಕು.
ನಂತರ ಸಕ್ಕರೆ, ಏಲಕ್ಕಿ ಪುಡಿ ಸೇರಿಸಿ ತಳ ಬಿಡುವವರೆಗೆ ಕೈಯಾಡಿಸದರೆ ಶಿರಾ ಸಿದ್ಧವಾಯಿತು.