ಮಾವಿನಕಾಯಿ ಬೂತಗೊಜ್ಜು

ಬೇಕಾಗುವ ಸಾಮಗ್ರಿ :
ಮಾವಿನಕಾಯಿ - 1 (ಮಧ್ಯಮ ಗಾತ್ರದ್ದು)
ಕಾಯಿತುರಿ - 1 ಕಪ್
ಬೆಳ್ಳುಳ್ಳಿ - 6/8
ಉದ್ದಿನ ಬೇಳೆ - 1 ಚಮಚ
ಒಣಮೆಣಸಿನಕಾಯಿ -1
ಸೂಜಿ ಮೆಣಸು - 5/6
ಎಣ್ಣೆ - 2 ಚಮಚ
ಸಾಸಿವೆ ಕಾಳು - 1 ಚಮಚ
ಜೀರಿಗೆ - 1/2 ಚಮಚ
ಸಕ್ಕರೆ - 1/4 ಚಮಚ

ಮಾಡುವ ವಿಧಾನ :
ಮಾವಿನ ಕಾಯಿಯನ್ನು ಬೇಯಿಸಿ ತಣ್ಣಗಾಗಲು ಬಿಡಬೇಕು.
ಬಾಣಲೆಯಲ್ಲಿ ಉದ್ದಿನ ಬೇಳೆ, ಒಣಮೆಣಸನ್ನು ಹುರಿದು ನಂತರ ಜೀರಿಗೆ ಸೇರಿಸಿ ಮತ್ತೆ ಹುರಿಯಬೇಕು. (ಎಣ್ಣೆ ಹಾಕಬಾರದು)
ನಂತರ ಕಾಯಿತುರಿ, ಎರಡು ಬೆಳ್ಳುಳ್ಳಿ ಎಸಳು, ಬೇಯಿಸಿದ ಮಾವಿನಕಾಯಿ ಕಿವುಚಿ ಹಾಕಿ ರುಬ್ಬಬೇಕು.
ಇದಕ್ಕೆ ಉಪ್ಪು ಮತ್ತು ಸಕ್ಕರೆ ಸೇರಿಸಬೇಕು.
ನಂತರ ಎಣ್ಣೆ, ಸಾಸಿವೆ ಕಾಳು ಮತ್ತು ಬೆಳ್ಳುಳ್ಳಿಯ ಒಗ್ಗರಣೆ ಕೊಡಬೇಕು.