ಕೊತ್ತಂಬರಿ ಸೊಪ್ಪಿನ ವಡಿ

ಬೇಕಾಗುವ ಸಾಮಗ್ರಿ :
ಕೊತ್ತಂಬರಿ ಸೊಪ್ಪು - 1 ಕಟ್ಟು
ಕಡಲೇಹಿಟ್ಟು - ಸುಮಾರು 2 ಕಪ್
ಜೀರಿಗೆ - 2 ಚಮಚ
ಹಸಿಮೆಣಸಿನಕಾಯಿ - 3/4
ಬೆಳ್ಳುಳ್ಳಿ - 10/15 ಎಸಳು

ಮಾಡುವ ವಿಧಾನ :

ಕೊತ್ತಂಬರಿ ಸೊಪ್ಪನ್ನು ತೊಳೆದು ಸಣ್ಣಗೆ ಹೆಚ್ಚಿಕೊಳ್ಳಬೇಕು.

ಇದಕ್ಕೆ ಸಣ್ಣಗೆ ಹೆಚ್ಚಿದ ಹಸಿಮೆಣಸಿನಕಾಯಿಯನ್ನು ಸೇರಿಸಬೇಕು.

ಬೆಳ್ಳುಳ್ಳಿಯ ಪೇಸ್ಟ್  ಮತ್ತು ಜೀರಿಗೆಯನ್ನು ಸೇರಿಸಿ ಚೆನ್ನಾಗಿ ಕಲಸಬೇಕು.

ಇದಕ್ಕೆ ಅಗತ್ಯವಿರುವಷ್ಟು ಕಡಲೆಹಿಟ್ಟನ್ನು ಸೇರಿಸಿ ಅಗತ್ಯವಿದ್ದಲ್ಲಿ ಸ್ವಲ್ಪ ನೀರನ್ನು ಸೇರಿಸಿ ಗಟ್ಟಿಯಾಗಿ ಕಲಸಿ ಕುಕ್ಕರ್ ಟ್ರೇ ನಲ್ಲಿ  ಇಟ್ಟು ಮೂರು ವಿಸಿಲ್ ಹಾಕಿಸಬೇಕು

ನಂತರ ಬೇಕಾದ ಆಕಾರದಲ್ಲಿ ಕತ್ತರಿಸಿ ಶಾಲೋ ಫ್ರೈ ಇಲ್ಲವೇ ಡೀಪ್ ಫ್ರೈ ಮಾಡಿದರೆ ಕೊತ್ತಂಬರಿ ವಡಾ ಸವಿಯಲು ಸಿದ್ಧ.

ಪಾವ್ ಬಾಜಿ

ಇದು ಮಹಾರಾಷ್ಟ್ರದ ಪ್ರಸಿದ್ಧ ತಿನಿಸು. ಬೆಳಗಿನ ಉಪಹಾರದಿಂದ ಹಿಡಿದು ಚಹಾದ ಜೊತೆಗೂ ಇದು ಇಲ್ಲಿ ಬಳಕೆಯಾಗುತ್ತದೆ.

ಬೇಕಾಗುವ ಸಾಮಗ್ರಿ :

ಬಟಾಟೆ - 1/2 ಕಪ್
ಗಜ್ಜರಿ - 1 ಕಪ್
ಈರುಳ್ಳಿ - 1
ಹಸಿಮೆಣಸಿನ ಕಾಯಿ - 2/3
ಟೊಮೆಟೋ - 1 ಕಪ್
ಹಸಿರು ಬಟಾಣಿ - 1/2 ಕಪ್
ಗರಂ ಮಸಾಲಾ ಪುಡಿ - 1 ಚಮಚ
ಪಾವ್ ಬಾಜಿ ಮಸಾಲಾ - 1 ಚಮಚ
ಅರಿಶಿಣ - 1 ಚಿಟಿಕೆ
ಉಪ್ಪು - ರುಚಿಗೆ
ಸಕ್ಕರೆ - 1 ಚಮಚ

ಮಾಡುವ ವಿಧಾನ :

ಟೊಮೆಟೋ, ಬಟಾಟೆ ಮತ್ತು ಗಜ್ಜರಿಯನ್ನು ಸಣ್ಣಗೆ ಹೆಚ್ಚಿ ಹಸಿರು ಬಟಾಣಿಯನ್ನು ಸೇರಿಸಿ ಮೆತ್ತಗೆ ಬೇಯಿಸಿಕೊಳ್ಳಬೇಕು.
ಒಂದು ಬಾಣಲೆಗೆ ಎಣ್ಣೆ ಹಾಕಿ ಸಣ್ಣಗೆ ಹೆಚ್ಚಿದ ಈರುಳ್ಳಿ ಮತ್ತು ಹಸಿಮೆಣಸಿನ ಕಾಯಿಯನ್ನು ಸೇರಿಸಿ ಚೆನ್ನಾಗಿ ಬಾಡಿಸಬೇಕು.
ಇದಕ್ಕೆ ಗರಂಮಸಾಲಾ ಪುಡಿ, ಪಾವ್ ಬಾಜಿ ಮಸಾಲಾ, ಅರಿಶಿಣ ಪುಡಿ ಹಾಕಬೇಕು.
ನಂತರ ಬೇಯಿಸಿದ ತರಕಾರಿಯನ್ನು ಚೆನ್ನಾಗಿ ಸ್ಮಾಶ್ ಮಾಡಿ ಇದಕ್ಕೆ ಸೇರಿಸಿ ಚೆನ್ನಾಗಿ ಕೈಯಾಡಿಸಬೇಕು.
ರುಚಿಗೆ ತಕ್ಕಷ್ಟು ಉಪ್ಪು, ಸಕ್ಕರೆ ಹಾಕಬೇಕು. ಬೇಕಾದಲ್ಲಿ ಹುಳಿಯನ್ನು ಹಾಕಬಹುದು.

ವಿ.ಸೂ. - ಇದಕ್ಕೆ ಸರಿಹೊಂದುವ ಬೇರೆ  ತರಕಾರಿಯನ್ನು ಬಳಸಬಹುದು