ಪಾವ್ ಬಾಜಿ

ಇದು ಮಹಾರಾಷ್ಟ್ರದ ಪ್ರಸಿದ್ಧ ತಿನಿಸು. ಬೆಳಗಿನ ಉಪಹಾರದಿಂದ ಹಿಡಿದು ಚಹಾದ ಜೊತೆಗೂ ಇದು ಇಲ್ಲಿ ಬಳಕೆಯಾಗುತ್ತದೆ.

ಬೇಕಾಗುವ ಸಾಮಗ್ರಿ :

ಬಟಾಟೆ - 1/2 ಕಪ್
ಗಜ್ಜರಿ - 1 ಕಪ್
ಈರುಳ್ಳಿ - 1
ಹಸಿಮೆಣಸಿನ ಕಾಯಿ - 2/3
ಟೊಮೆಟೋ - 1 ಕಪ್
ಹಸಿರು ಬಟಾಣಿ - 1/2 ಕಪ್
ಗರಂ ಮಸಾಲಾ ಪುಡಿ - 1 ಚಮಚ
ಪಾವ್ ಬಾಜಿ ಮಸಾಲಾ - 1 ಚಮಚ
ಅರಿಶಿಣ - 1 ಚಿಟಿಕೆ
ಉಪ್ಪು - ರುಚಿಗೆ
ಸಕ್ಕರೆ - 1 ಚಮಚ

ಮಾಡುವ ವಿಧಾನ :

ಟೊಮೆಟೋ, ಬಟಾಟೆ ಮತ್ತು ಗಜ್ಜರಿಯನ್ನು ಸಣ್ಣಗೆ ಹೆಚ್ಚಿ ಹಸಿರು ಬಟಾಣಿಯನ್ನು ಸೇರಿಸಿ ಮೆತ್ತಗೆ ಬೇಯಿಸಿಕೊಳ್ಳಬೇಕು.
ಒಂದು ಬಾಣಲೆಗೆ ಎಣ್ಣೆ ಹಾಕಿ ಸಣ್ಣಗೆ ಹೆಚ್ಚಿದ ಈರುಳ್ಳಿ ಮತ್ತು ಹಸಿಮೆಣಸಿನ ಕಾಯಿಯನ್ನು ಸೇರಿಸಿ ಚೆನ್ನಾಗಿ ಬಾಡಿಸಬೇಕು.
ಇದಕ್ಕೆ ಗರಂಮಸಾಲಾ ಪುಡಿ, ಪಾವ್ ಬಾಜಿ ಮಸಾಲಾ, ಅರಿಶಿಣ ಪುಡಿ ಹಾಕಬೇಕು.
ನಂತರ ಬೇಯಿಸಿದ ತರಕಾರಿಯನ್ನು ಚೆನ್ನಾಗಿ ಸ್ಮಾಶ್ ಮಾಡಿ ಇದಕ್ಕೆ ಸೇರಿಸಿ ಚೆನ್ನಾಗಿ ಕೈಯಾಡಿಸಬೇಕು.
ರುಚಿಗೆ ತಕ್ಕಷ್ಟು ಉಪ್ಪು, ಸಕ್ಕರೆ ಹಾಕಬೇಕು. ಬೇಕಾದಲ್ಲಿ ಹುಳಿಯನ್ನು ಹಾಕಬಹುದು.

ವಿ.ಸೂ. - ಇದಕ್ಕೆ ಸರಿಹೊಂದುವ ಬೇರೆ  ತರಕಾರಿಯನ್ನು ಬಳಸಬಹುದು