ಸಾಂಬಾರ ಅವಲಕ್ಕಿ

ಬೇಕಾಗುವ ಸಾಮಗ್ರಿ :

ತೆಳು ಅವಲಕ್ಕಿ- 3 ಹಿಡಿ ( ಒಬ್ಬರಿಗೆ ಒಂದು ಹಿಡಿ)

ಈರುಳ್ಳಿ - 1 ದೊಡ್ಡದು

ಟೊಮಾಟೊ - 1 

ಒಣ ಮೆಣಸಿನ ಕಾಯಿ - 2

ಹಸಿಮೆಣಸಿನಕಾಯಿ - 1

ಸಾಸಿವೆ - 1 ಚಮಚ

ಎಣ್ಣೆ - 3/4 ಚಮಚ

ಅರಿಸಿಣ - 1 ಚಿಟಿಕೆ

ಕೊತ್ತಂಬರಿ - 1/2 ಚಮಚ

ಕಾಯಿತುರಿ - 1 ಕಪ್

ಬೆಲ್ಲ - 2 ಚಮಚ

ಮಾಡುವ ವಿಧಾನ:

ಮೊದಲು ಈರುಳ್ಳಿ, ಹಸಿಮೆಣಸಿನಕಾಯಿ  ಮತ್ತು ಟೊಮಾಟೊವನ್ನು ಸಣ್ಣಗೆ ಹೆಚ್ಚಿ ಕೊಳ್ಳಬೇಕು.

ಕಾಯಿತುರಿದಿಟ್ಟು ಕೊಳ್ಳಬೇಕು.

ಬಾಣಲೆಗೆ ಎಣ್ಣೆ ಅರಿಸಿಣ ಹಾಕಿ ಸಾಸಿವೆ, ಒಣಮೆಣಸಿನಕಾಯಿ ಮತ್ತು ಕೊತ್ತಂಬರಿ ಹಾಕಿ ಹುರಿದು ಕಾಯಿತುರಿಗೆ ಸೇರಿಸಬೇಕು.

ಇದಕ್ಕೆ ಉಪ್ಪು ಮತ್ತು ಬೆಲ್ಲವನ್ನೂ ಸೇರಿಸಿ ಚೆನ್ನಾಗಿ ಕಲಸಿಕೊಳ್ಳಬೇಕು.

ಮತ್ತೆ ಬಾಣಲೆಗೆ ಹೆಚ್ಚಿದ  ಹಸಿಮೆಣಸಿನಕಾಯಿ, ಈರುಳ್ಳಿ, ಟೊಮಾಟೊ ಸೇರಿಸಿ ಸ್ವಲ್ಪ ಬಾಡಿಸಿ ಕಾಯಿತುರಿಯೊಂದಿಗೆ ಮಿಕ್ಸ್ ಮಾಡಬೇಕು.

ಇದಕ್ಕೆ ಅವಲಕ್ಕಿಯನ್ನು ಸೇರಿಸಿ ಚೆನ್ನಾಗಿ ಕಲಸಿದರೆ ಸಾಂಬಾರ ಅವಲಕ್ಕಿ ಸಿದ್ಧವಾಯಿತು.

ಬೇಕಾದರೆ ಕೊತ್ತಂಬರಿ ಸೊಪ್ಪನ್ನು ಸೇರಿಸಬಹುದು.