ಕಾಯಿ ಕಡಬು

ಬೇಕಾಗುವ ಸಾಮಗ್ರಿ :
ಕಾಯಿತುರಿ - 2 ಕಪ್ (ಒಂದು ಕಡಿ)
ಅಕ್ಕಿಹಿಟ್ಟು - 1 ಕಪ್
ಬೆಲ್ಲ - 1/2 ಕಪ್
ಏಲಕ್ಕಿ ಪುಡಿ - 1 ಚಿಟಿಕೆ
ಉಪ್ಪು - ಸ್ವಲ್ಪ
ನೀರು - 1 ಕಪ್ (ಸುಮಾರು)
ಎಳ್ಳು - 2 ಚಮಚ
ಗಸಗಸೆ - 2 ಚಮಚ

ಮಾಡುವ ವಿಧಾನ :
ಕಾಯಿತುರಿಗೆ ಬೆಲ್ಲ ಸೇರಿಸಿ ಕೈಯಾಡಿಸಬೇಕು.
ಕರಗಿದ ನಂತರ ಎಳ್ಳು ಮತ್ತು ಗಸಗಸೆ ಸೇರಿಸಿ ಕೈಯಾಡಿಸಿ ಎಳೆ ಪಾಕ ಮಾಡಿ ಪಕ್ಕಕ್ಕೆ ಇಡಬೇಕು.
1 ಲೋಟ ನೀರಿಗೆ ಸ್ವಲ್ಪ ಉಪ್ಪು ಸೇರಿಸಿ ಕುದಿಸಬೇಕು. ಇದಕ್ಕೆ ಅಕ್ಕಿಹಿಟ್ಟು ಸೇರಿಸಿ ಕೈಯಾಡಿಸಬೇಕು.
ಕೆಳಗಿಳಿಸಿ ತಣ್ಣಗಾದ ಮೇಲೆ ಸರಿಯಾಗಿ ಮೆದ್ದು ಚಿಕ್ಕ ಉಂಡೆ ಮಾಡಿಕೊಳ್ಳಬೇಕು.
ರೊಟ್ಟಿಯ ತರಹ ಚಿಕ್ಕದಾಗಿ ಲಟ್ಟಿಸಿ ಕಾಯಿತುರಿಯ ಮಿಶ್ರಣ ಒಳಗೆ ಸೇರಿಸಿ ಕರಜಿಕಾಯಿಯ ಆಕಾರದಂತೆ ಚಮಚದಿಂದ ಕತ್ತರಿಸಬೇಕು.
ಉಗಿಯಲ್ಲಿ 10 - 15 ನಿಮಿಷ ಬೇಯಿಸಬೇಕು.