ಇದು ಆರೋಗ್ಯಕ್ಕೆ ಉತ್ತಮವಾದ ತಿನಿಸು. ಇದರಲ್ಲಿ ಸಿಹಿಗಾಗಿ ಸಕ್ಕರೆಯನ್ನು ಬಳಸಿಲ್ಲ. ಆದ್ದರಿಂದ ಸಕ್ಕರೆ ಖಾಯಿಲೆ ಇರುವವರೂ ತಿನ್ನಬಹುದು. ಬೆಳೆಯುವ ಮಕ್ಕಳಿಗಂತೂ ಅತ್ತುತ್ತಮವಾದ ಆಹಾರವಾಗಿದೆ.
ಬೇಕಾಗುವ ಸಾಮಗ್ರಿ :
ಖರ್ಜೂರ - 1/2 ಕೆ.ಜಿ.
ಬಾದಾಮಿ - 1 ಬೌಲ್
ಪಿಸ್ತಾ - 1/2 ಬೌಲ್
ಶೇಂಗಾ - 1/2 ಬೌಲ್
ಉತ್ತುತ್ತೆ - 5/6
ಒಣದ್ರಾಕ್ಷಿ - 1 ಬೌಲ್
ಗಸಗಸೆ - 2 ಚಮಚ
ಗೋಡಂಬಿ - 1 ಬೌಲ್
ಮಾಡುವ ವಿಧಾನ:
ಖರ್ಜೂರದ ಬೀಜ ಬಿಡಿಸಿ ಮಿಕ್ಸಿ ಮಾಡಿಟ್ಟುಕೊಳ್ಳಬೇಕು.
ಬಾದಾಮಿ, ಪಿಸ್ತಾ, ಗೋಡಂಬಿಯನ್ನು ಸಣ್ಣ ಚೂರುಗಳನ್ನಾಗಿ ಕತ್ತರಿಸಿಕೊಳ್ಳಬೇಕು.
ಉತ್ತುತ್ತೆಯನ್ನು ಬೀಜ ಬಿಡಿಸಿ ಸಣ್ಣಗೆ ಕತ್ತರಿಸಿಟ್ಟುಕೊಳ್ಳಬೇಕು.
ಶೇಂಗಾವನ್ನು ಹುರಿದು ಸಿಪ್ಪೆ ತೆಗೆದು ಚೂರುಗಳನ್ನಾಗಿ ಮಾಡಿಕೊಳ್ಳಬೇಕು.
ಗಸಗಸೆಯನ್ನು ಚೆನ್ನಾಗಿ ಹುರಿದಿಟ್ಟುಕೊಳ್ಳಬೇಕು.
ಒಂದು ಬಾಣಲೆಗೆ ಖರ್ಜೂರದ ಪೇಸ್ಟ್ ನ್ನು ಹಾಕಿ ಒಲೆಯ ಮೇಲಿಟ್ಟು ಕೈಯಾಡಿಸಿ ಅದಕ್ಕೆ ಬಾದಾಮಿ, ಗೋಡಂಬಿ, ಪಿಸ್ತಾ, ಶೇಂಗಾ, ಉತ್ತುತ್ತೆಯನ್ನು ಚೂರುಗಳನ್ನು ಸೇರಿಸಬೇಕು.
ಹುರಿದ ಗಸಗಸೆ ಮತ್ತು ಒಣದ್ರಾಕ್ಷಿಯನ್ನು ಸೇರಿಸಿ ಕೈಯಾಡಿಸಿ ಒಲೆಯನ್ನು ಆರಿಸಿ ಕೆಳಗಿಳಿಸಬೇಕು.
ತಣ್ಣಗಾದ ನಂತರ ಉಂಡೆ ಕಟ್ಟಬೇಕು.
